Satellite Magzine

مي عمر: التاريخ سيثبت أنني لم أمثل بالواسطة


May 14, 2021

علقت الفنانة مي عمر، على اتهامها بأنها نجحت في عالم الفن بالواسطة، لأن زوجها هو المخرج محمد سامي، قائلة، إنها بعدما شاركت في مسلسلها الأول «الأسطورة» مع زوجها، قدمت مسلسل “عفاريت عدلي علام”، وأوضحت: «وده مكنش بواسطة، وكنت عاملة مشاهد حب معاه أبيض وأسود جرافيكس، وفي نفس السنة قدمت ريح المدام».

وأضافت أنها سترد بأعمالها، حيث إنها قدمت أعمالاً فنية كثيرة خلال السنوات الماضية بدأت بمسلسل الأسطورة: «الرد لازم يبقى بالأعمال، والاتهامات بالواسطة بتاخد وقتها، ولما الناس تشوف تاريخ بعد 10 سنوات هيبصوا على الأدوار، وفي الآخر مش بيهمني اشتغلت بواسطة ولا لأ، أو مع جوزي أو مش معاه، بس المهم جودة الدور».

وتابعت، أنها قدمت فيلم “آخر ديك في مصر” مع النجم محمد رمضان: «بعمل حاجات كتير جدا بره، ولما أرجع أشتغل مع محمد يقولوا واسطة، وفي الآخر الناس اللي في الشارع مش بيقولوا الكلام ده ولا بيشوفوا ده».

وأشارت، إلى أنها تغضب من الاتهامات بالواسطة نظرا لطبيعتها كإنسان، لكن هذا الغضب ينتهي عندما تحس بتفاعل الجمهور مع نجاحاتها: «ساعات بتضايق لأني بني آدم، لكن لما بلمس نجاحي في الشارع ولما بلمس حب من الناس بحس إن التعب والمجهود اللي عملته حاسين بيه».

مواضيع مشابهة